《X檔案》(X-Files)趁今個月回歸，終於推出HD版既藍光碟，而且仲係全部9季，202集都有高清，呢套碟係H字頭的連鎖唱片店賣緊三千幾，識買當然係去Amazon網購啦，英國版扣左VAT係香港價錢一本，反正係邊度買都係無中文字幕，梗係平有平買啦，量化緊縮緊都係咁話。

包裝、質素都合乎標準，至於畫面，頭幾季始終本身唔係高清拍攝係爭少少，不過都十分好，起碼以前只能夠係大台斷斷續續咁睇，而家有得一氣呵氣梗係最好，不過有網民話第8季畫面偏暗，我自己就未去到咁遠，去到再update大家。

結論：如果係fans一定買得過，至於就播既miniseries，佢地已經好細心係個盒幫你留咗位，到時再買吧。評分：80/100

這篇文章 【Gadget】《X檔案》藍光碟全集 最早出現於 李奧手札。